ജി പി ടി ചാറ്റ് ബോട്ട് ടെക് ലോകത്ത് തരംഗം സൃഷ്ടിച്ച് ദിവസങ്ങള്‍ക്കകം, സമാനമായ ടെക്‌നോളജി പുറത്തിറക്കി ഗൂഗിള്‍. ബാര്‍ഡ് എന്നാണ് ഗൂഗിള്‍ പുതുതായി പുറത്തിറക്കിയ എ ഐ അധിഷ്ഠിത പ്ലാറ്റ്‌ഫോമിന്റെ പേര്. ഗൂഗിളിന്റെ ലാംഡ സാങ്കേതികവിദ്യയെ അടിസ്ഥാനമാക്കിയുള്ളതാണ് പുതിയ ചാറ്റ്‌ബോട്ട് എന്ന് കഴിഞ്ഞ ദിവസം റിപ്പോര്‍ട്ട് വന്നിരുന്നു.

ചാറ്റ് ജിപിടിയുടെ മൊബൈല്‍ ആപ്പ് പുറത്തിറക്കാന്‍ കമ്പനി ഒരുങ്ങുന്നുവെന്ന പ്രഖ്യാപനം പുറത്തുവന്നതിന് മണിക്കൂറുകള്‍ക്ക് ശേഷമാണ് ഗൂഗിളിന്റെ ഈ നീക്കം. ഇത് സംബന്ധിച്ച് കഴിഞ്ഞ ദിവസം ഗൂഗിള്‍ സി ഇ ഒ സുന്ദര്‍ പിച്ചൈ പ്രതികരിച്ചിരുന്നു. ഗൂഗിളിന്റെ സെര്‍ച്ച് എഞ്ചിനില്‍ എഐ അധിഷ്ഠിത സംവിധാനം ഒരുക്കുമെന്നായിരുന്നു സുന്ദര്‍പിച്ചൈ അറിയിച്ചത്. വാര്‍ത്താ വെബ്സൈറ്റായ സെമഫോറാണ് ഇത് സംബന്ധിച്ച് റിപ്പോര്‍ട്ട് പുറത്ത് വിട്ടത്.

നിലവില്‍ ഓണ്‍ലൈനായി കമ്പ്യൂട്ടറുകളിലും സ്മാര്‍ട്ട് ഫോണുകളിലുമാണ് ചാറ്റ് ജി പി ടിയുടെ സേവനം ലഭ്യമാകുന്നത്. എന്നാല്‍ കൂടുതല്‍ സേവനം ചാറ്റ് ജിപിടിയില്‍ ഉള്‍പ്പെടുത്തുമെന്നും പുത്തന്‍ അപ്ഡേറ്റായ ‘ജി പി ടി 4’ വേര്‍ഷനില്‍ കൂടുതല്‍ ജനപ്രിയത വര്‍ധിപ്പിക്കാനുള്ള ഇടപെടല്‍ ഉണ്ടാകുമെന്നും റിപ്പോര്‍ട്ടുകള്‍ വ്യക്തമാക്കുന്നുണ്ട്.

ജനറേറ്റീവ് പ്രീട്രെയിന്‍ ട്രാന്‍സ്ഫോമര്‍ എന്നതിന്റെ ചുരുക്കമാണ് ജിപിടി. പരസ്പരം സംസാരിച്ച് വിവരങ്ങള്‍ കൈമാറുന്ന രീതിയിലാണ് ചാറ്റ് ജിപിടിയുടെ പ്രവര്‍ത്തനം. കമ്പ്യൂട്ടര്‍ നല്‍കുന്ന പോലെയല്ല, മനുഷ്യര്‍ നല്‍കുന്ന പോലെയുള്ള ഉത്തരമാണ് ചാറ്റ് ജിപിടി നല്‍കുന്നതെന്നാണ് വലിയ പ്രത്യേകത. അതുതന്നെ ഉപയോഗിക്കുന്നവരുടെ ആവശ്യം പോലെയായിരിക്കും. ഏത് ഭാഷാരീതിയിലും ചാറ്റ് ജിപിടി മറുപടി നല്‍കും. കുട്ടി പറയുന്നപോലെ പറയാന്‍ ആവശ്യപ്പെട്ടാല്‍, കുട്ടികളുടെ ഭാഷ ഉപയോഗിക്കാനും ജിപിടിക്ക് മടിയില്ല. ഇത്തരം ഫീച്ചേഴ്സ് തന്നെയാണ് ജിപിടിയെ ജനപ്രിയമാക്കിയത് എന്നാണ് റിപ്പോര്‍ട്ടുകള്‍.
Sources:globalindiannews

http://theendtimeradio.com

ഗ്രൂപ്പ് ചാറ്റുകൾ കൂടുതൽ സുരക്ഷിതമാക്കാൻ പുതിയ ഫീച്ചർ അവതരിപ്പിക്കാൻ ഒരുങ്ങുകയാണ് ഗൂഗിൾ. ഗൂഗിളിന്റെ മെസേജിംഗ് ആപ്പുകൾ മുഖാന്തരമുള്ള ഗ്രൂപ്പ് ചാറ്റുകളിൽ എൻഡ്-ടു-എൻഡ് എൻക്രിപ്ഷൻ ഫീച്ചർ അവതരിപ്പിക്കാനാണ് പദ്ധതിയിടുന്നത്. റിപ്പോർട്ടുകൾ പ്രകാരം, ഒരു മാസത്തിനുള്ളിൽ ഗൂഗിൾ മെസേജ് ആപ്പ് ബീറ്റ പ്രോഗ്രാമിലെ ഉപയോക്താക്കൾക്ക് ഈ ഫീച്ചർ ലഭിക്കുന്നതാണ്. ചാറ്റുകൾ എൻക്രിപ്റ്റ് ചെയ്യുന്നതിനായി ഗൂഗിൾ റിച്ച് കമ്മ്യൂണിക്കേഷൻ സർവീസ് (Google RCS) ചാറ്റ് ഫീച്ചറും അവതരിപ്പിച്ചിട്ടുണ്ട്.

ആദ്യ ഘട്ടത്തിൽ വൺ-ടു-വൺ മെസേജുകൾക്ക് മാത്രമായിരുന്നു ഈ ഫീച്ചർ ലഭിച്ചിരുന്നത്. എന്നാൽ, ഗ്രൂപ്പ് ചാറ്റുകൾക്കും ഇപ്പോൾ ലഭ്യമാണ്. അടുത്തിടെ ഉപയോക്താക്കൾക്കായി ഇമോജി റിയാക്ഷൻ ഫീച്ചർ ഗൂഗിൾ അവതരിപ്പിച്ചിരുന്നു. ഇതോടെ, അപ്ഡേറ്റ് ചെയ്ത എസ്എംഎസ് പതിപ്പിൽ 7 ഇമോജികളാണ് ഉപയോഗിക്കാൻ സാധിക്കുക. ഗൂഗിളിന്റെ മറ്റ് പ്ലാറ്റ്ഫോമുകളിലും പുതിയ ഫീച്ചറുകൾ അവതരിപ്പിക്കാനുള്ള ശ്രമങ്ങൾ കമ്പനി നടത്തുന്നുണ്ട്.
കടപ്പാട് :കേരളാ ന്യൂസ്

http://theendtimeradio.com

ആൻഡ്രോയിഡ് 13 ഓപ്പറേറ്റിംഗ് സിസ്റ്റത്തിലും സമാനമായ സുരക്ഷാ കവചം ഗൂഗിൾ ഒരുക്കിയിട്ടുണ്ട്. ആൻഡ്രോയിഡ് സ്മാർട്ട്ഫോൺ ഉപയോക്താക്കൾ നേരിടുന്ന പ്രധാന പ്രശ്നങ്ങളിൽ ഒന്നാണ് മാൽവെയറിന്റെ കടന്നുകയറ്റം. ആപ്പുകളും മറ്റും ഡൗൺലോഡ് ചെയ്യുമ്പോൾ ഉപയോക്താവ് അറിയാതെ തന്നെ ഫോണുകളിലേക്ക് മാൽവെയർ കടക്കുന്നു. ഇത്തരത്തിലുള്ള മാൽവെയറുകൾ നേരിടാൻ മികച്ച അപ്ഡേറ്റുമായാണ് ഗൂഗിൾ എത്തുന്നത്. ആൻഡ്രോയിഡ് 14 ഓപ്പറേറ്റിംഗ് സിസ്റ്റത്തിലാണ് മാൽവെയറുകളെ നേരിടാനുള്ള കവചം ഒരുക്കുന്നത്. ഇതോടെ, കാലഹരണപ്പെട്ട ആപ്പുകൾ ഇൻസ്റ്റാൾ ചെയ്യുന്നതും തടയാൻ സാധിക്കും.

പ്രധാനമായും കാലഹരണപ്പെട്ട സുരക്ഷാ പാച്ചുകളും കേടുപാടുകളുമുള്ള ആൻഡ്രോയ്ഡിന്റെ പഴയ പതിപ്പുകളെയാണ് മാൽവെയറുകൾ ബാധിക്കുക. നിലവിൽ, ആൻഡ്രോയിഡ് 13 ഓപ്പറേറ്റിംഗ് സിസ്റ്റത്തിലും സമാനമായ സുരക്ഷാ കവചം ഗൂഗിൾ ഒരുക്കിയിട്ടുണ്ട്. മാൽവെയർ വ്യാപനത്തിൽ നിന്ന് മികച്ച രീതിയിൽ സംരക്ഷിക്കുന്നതിനായി ഗൂഗിളിന്റെ ഏറ്റവും കുറഞ്ഞ എപിഐ പരിധി ആൻഡ്രോയിഡ് 6.0 ആയിട്ടാണ് ഉയർത്തിയിട്ടുള്ളത്
കടപ്പാട് :കേരളാ ന്യൂസ്

http://theendtimeradio.com