Cricket
ഇന്ത്യൻ പ്രീമിയർ ലീഗിൽ അഞ്ചാം തവണയും കിരീടമുയർത്തി മുംബൈ ഇന്ത്യൻസ്
ഡൽഹിയെ തകർത്ത് മുംബൈക്ക് അഞ്ചാം കിരീടം .ഇന്ത്യൻ പ്രീമിയർ ലീഗിൽ അഞ്ചാം തവണയും കിരീടമുയർത്തി മുംബൈ ഇന്ത്യൻസ്. കലാശപോരാട്ടത്തിൽ ഡൽഹി ക്യാപിറ്റൽസിനെ തകർത്താണ് മുംബൈ വീണ്ടും ചാംപ്യന്മാരായിരിക്കുന്നത്. ഡൽഹി ഉയർത്തിയ157 റൺസ് വിജയലക്ഷ്യം അഞ്ച് വിക്കറ്റും എട്ട് പന്തും ബാക്കി നിൽക്കെ മുംബൈ മറികടക്കുകയായിരുന്നു.
മറുപടി ബാറ്റിങ്ങിൽ വെടിക്കെട്ട് തുടക്കമാണ് നായകൻ രോഹിതും ക്വിന്റൻ ഡി കോക്കും മുംബൈക്ക് നൽകിയത്. 45 റൺസിൽ ഡി കോക്കിനെ നഷ്ടമായെങ്കിലും സൂര്യകുമാർ യാദവിനൊപ്പം ചേർന്ന് രോഹിത് മുംബൈയെ വിജയ തീരത്തേക്ക് നയിച്ചു. 19 റൺസെടുത്ത സൂര്യകുമാർ പുറത്തായതോടെ ഇഷാൻ കിഷൻ നായകനൊപ്പം ചേർന്നു.
51 പന്തിൽ 68 റൺസെടുത്ത രോഹിത് പുറത്താകുമ്പോഴേക്കും മുംബൈ വിജയം ഉറപ്പിച്ചിരുന്നു. 18-ാം ഓവറിൽ പൊള്ളാർഡിനെ പുറത്താക്കിയ റബാഡ ഡൽഹിക്ക് പ്രതീക്ഷ നൽകിയെങ്കിലും 35 റൺസ് നേടിയ ഇഷാൻ മുംബൈയെ വിജയത്തിലേക്ക് എത്തിക്കുകയായിരുന്നു. അഞ്ചാം കിരീടത്തിലേക്കും.
ടൂർണമെന്റിലെ തന്റെ ആദ്യ അർധസെഞ്ചുറിയുമായി യുവതാരം റിഷഭ് പന്ത് തിളങ്ങിയപ്പോൾ വൻ തകർച്ചയിൽ നിന്ന് ശക്തമായ തിരിച്ചുവരവ് നടത്തി ഡൽഹി ക്യാപിറ്റൽസ്. ഇന്ത്യൻ പ്രീമിയർ ലീഗിലെ കലാശപോരാട്ടത്തിൽ മുംബൈക്കെതിരെ 157 റൺസിന്റെ വിജയലക്ഷ്യമാണ് ഡൽഹി ഉയർത്തിയിരിക്കുന്നത്. നിശ്ചിത ഓവറിൽ ഏഴ് വിക്കറ്റ് നഷ്ടത്തിലാണ് ഡൽഹി 156 റൺസിലെത്തിയത്. അർധസെഞ്ചുറി നേടിയ പന്തിന്റെയും നായകൻ ശ്രേയസ് അയ്യരുടെ ഇന്നിങ്സുകളാണ് ഡൽഹിക്ക് തുണയായത്.
ഇന്നിങ്സിലെ ആദ്യ പന്തിൽ തന്നെ സ്റ്റൊയിനിസിനെ (0) മടക്കി ട്രെന്റ് ബോൾട്ട് ഡൽഹിയെ ഞെട്ടിച്ചു. തന്റെ രണ്ടാം ഓവറിൽ രണ്ട് റൺസെടുത്ത രഹാനെയെയും ഡി കോക്കിന്റെ കൈകളിൽ എത്തിച്ചത് ഡൽഹിക്ക് ഇരട്ടി പ്രഹരമായി. മുതിർന്ന താരം ശിഖർ ധവാന്റെ ഇന്നിങ്സും 15 റൺസിൽ അവസാനിച്ചപ്പോൾ മറ്റൊരു വൻതകർച്ച ഡൽഹി മുന്നിൽ കണ്ടു.
എന്നാൽ നാലാം വിക്കറ്റിൽ ഒത്തുചേർന്ന ശ്രേയസ് അയ്യർ – റിഷഭ് പന്ത് സഖ്യം ഡൽഹിയുടെ രക്ഷാപ്രവർത്തകരാവുകയായിരുന്നു. വൻ തകർച്ചയിൽ നിന്ന് ടീമിനെ കരകയറ്റിയ ഇരുവരും മികച്ച സ്കോറിലേക്ക് നയിക്കുകയും ചെയ്തു. 96 റൺസിന്റെ കൂട്ടുകെട്ടാണ് ഇരുവരും ചേർന്ന് സൃഷ്ടിച്ചത്. സീസണിൽ സ്ഥിരതയില്ലായ്മയ്ക്ക് ഏറെ പഴിക്കേട്ട പന്ത് അനിവാര്യ സമയത്തെ അർധസെഞ്ചുറി പ്രകടനവുമായി വിമർശകർക്ക് മറുപടി നൽകി. 38 പന്തിൽ 56 റൺസെടുത്ത താരത്തെ കോൾട്ടർനില്ലാണ് മടക്കിയത്.
ഹെറ്റ്മയറിന് (5) കാര്യമായ സംഭാവന നൽകാൻ കഴിയാതെ വന്നതോടെ ഡൽഹി സ്കോറിങ്ങ് വീണ്ടും പതുങ്ങി. അവസാന ഓവറിൽ 9 റൺസുമായി അക്സർ പട്ടേൽ മടങ്ങിയപ്പോഴും നായകൻ അയ്യർ ക്രീസിൽ തുടർന്നു. 50 പന്തിൽ 65 റൺസായിരുന്നു അയ്യരുടെ സമ്പാദ്യം.
മുംബൈക്കുവേണ്ടി ട്രെന്റ് ബോൾട്ട് മൂന്ന് വിക്കറ്റ് വീഴ്ത്തിയപ്പോൾ രണ്ട് വിക്കറ്റെടുത്ത കോൾട്ടർനില്ലിന്റെ പ്രകടനവും നിർണായകമായി. ജയന്ത് യാദവ് ഒരു വിക്കറ്റും സ്വന്തമാക്കി. ജസ്പ്രീത് ബുംറയ്ക്ക് വിക്കറ്റുകളൊന്നും ലഭിച്ചില്ല.
Cricket
മുൻ ഓസ്ട്രേലിയൻ ക്രിക്കറ്റ് താരം ആൻഡ്രു സിമണ്ട്സ് വാഹനാപകടത്തിൽ മരിച്ചു
സിഡ്നി: മുൻ ഓസ്ട്രേലിയൻ ക്രിക്കറ്റ് ഇതിഹാസം ആൻഡ്രു സിമണ്ട്സ് (46) അന്തരിച്ചു. ആസ്ത്രേലിയയിലെ ക്വീസ്ലൻഡിൽ ഉണ്ടായ കാറപകടത്തിലാണ് മരണം. ലോകക്രിക്കറ്റിലെ ഏറ്റവും മികച്ച ഓൾറൗണ്ടർമാരിൽ ഒരാളായിരുന്നു സിമണ്ട്സ്.
ഓസ്ട്രേലിയക്കായി സിമണ്ട്സ് 26 ടെസ്റ്റുകളും 198 ഏകദിന മത്സങ്ങളും കളിച്ചിട്ടുണ്ട്. 14 ട്വന്റി-20 മത്സരങ്ങളിലും അദ്ദേഹം ഓസ്ട്രേലിയൻ ടീമിനായി കളത്തിലിറങ്ങി. ഈ വർഷമാദ്യം സഹ ഓസീസ് ക്രിക്കറ്റ് ഇതിഹാസങ്ങളായ ഷെയ്ൻ വോണിന്റേയും റോഡ് മാർഷിന്റേയും മരണത്തിൽ നിന്ന് മോചിതരായി വരുന്ന ഓസ്ട്രേലിയൻ ക്രിക്കറ്റിന് മറ്റൊരു ആഘാതമായിരിക്കുകയാണ് സൈമണ്ട്സിന്റെ വിയോഗം. 2003,2007 ലോകകപ്പുകൾ കരസ്ഥമാക്കിയ ഓസ്ട്രേലിയൻ ടീമിലെ പ്രധാന താരമായിരുന്നു സിമണ്ട്സ്.
198 ഏകദിനങ്ങളിൽ നിന്നായി 5088 റൺസും 133 വിക്കറ്റുകളും അദ്ദേഹം കരസ്ഥമാക്കിയിട്ടുണ്ട്. 26 ടെസ്റ്റുകളിൽ നിന്നായി 1462 റൺസും 24 വിക്കറ്റുകളും നേടി. 14 അന്തരാഷ്ട്ര ട്വന്റി-20 മത്സരങ്ങൾ കളിച്ച സിമണ്ട്സ് 337 റൺസും എട്ടു വിക്കറ്റുകളും കരസ്ഥമാക്കിയിട്ടുണ്ട്. ഏകദിനത്തിൽ 1998 -ൽ പാകിസ്താനെതിരായിട്ടായിരുന്നു സിമണ്ട്സിന്റെ അരങ്ങേറ്റം. 2009-ൽ പാകിസ്താനെതിരെ തന്നെയായിരുന്നു അവസാന അന്താരാഷ്ട്ര ഏകദിന മത്സരവും അദ്ദേഹം കളിച്ചത്.
Sources:globalindiannews
Cricket
ഓസ്ട്രേലിയന് ക്രിക്കറ്റ് ഇതിഹാസം ഷെയന് വോണ് (52)അന്തരിച്ചു
സിഡ്നി: ഓസ്ട്രേലിയൻ ക്രിക്കറ്റ് സ്പിൻ ഇതിഹാസം ഷെയ്ൻ വോണ് (52) അന്തരിച്ചു. ഹൃദയാഘാതത്തെ തുടർന്നായിരുന്നു അന്ത്യം. തായ്ലൻഡിലെ കോ സാമുയിൽവച്ചായിരുന്നു മരണം.
ഷെയ്ൻ വോണിനെ തന്റെ വില്ലയിൽ മരിച്ച നിലയിൽ കണ്ടെത്തുകയായിരുന്നുവെന്ന് അദ്ദേഹത്തിന്റെ മാനേജ്മെന്റ് പ്രസ്താവനയിലൂടെ അറിയിച്ചു. കൂടുതൽ വിവരങ്ങൾ പിന്നീട് അറിയിക്കാമെന്നും മാനേജ്മെന്റ് വ്യക്തമാക്കി.
ലോക ക്രിക്കറ്റ് കണ്ട എക്കാലത്തെയും മികച്ച സ്പിന്നർമാരിലൊരാളാണ് ഷെയ്ൻ വോണ്. ഓസ്ട്രേലിയക്കായി 145 ടെസ്റ്റിൽ നിന്ന് 3,154 റണ്സും 708 വിക്കറ്റും നേടി. 194 ഏകദിനത്തിൽ നിന്ന് 293 വിക്കറ്റും അദ്ദേഹം നേടിയിട്ടുണ്ട്.ടെസ്റ്റ് വിക്കറ്റ് നേട്ടങ്ങളില് ലോകത്തെ രണ്ടാംസ്ഥാനക്കാരനാണ് ഇദ്ദേഹം.കൊവിഡ് ബാധിച്ചതിന് ശേഷം വിശ്രമത്തിലായിരുന്നു ഷെയ്ന്.
എന്നാൽ ദേശീയ ജഴ്സിയിൽ ട്വന്റി-20 കളിക്കാനായിട്ടില്ല. 55 ഐപിഎല്ലിൽ നിന്നായി 198 റണ്സും 57 വിക്കറ്റും വോണ് സ്വന്തം പേരിലാക്കി.
അന്താരാഷ്ട്ര ക്രിക്കറ്റില് നിന്ന് വിരമിച്ച ശേഷവും ക്ലബ് ക്രിക്കറ്റില് അദ്ദേഹം സജീവമായിരുന്നു. ഏറെ നാള് കളിക്കാരനെന്ന നിലയില് തുടര്ന്ന അദ്ദേഹം പരിശീലക വേഷത്തിലും തിളങ്ങിയിരുന്നു.
ഐപിഎല്ലില് രാജസ്ഥാന് റോയല്സിനെ പ്രഥമ സീസണില്ത്തന്നെ ജേതാക്കളാക്കിയ നായകനാണ് ഷെയ്ന് വോണ്. ഇതിന് ശേഷം ടീമിന്റെ ഉപദേശക സംഘത്തിലും അദ്ദേഹം പ്രവര്ത്തിച്ചിരുന്നു.
http://theendtimeradio.com
Cricket
കേരള ക്രിക്കറ്റ് ടൂര്ണ്ണമെന്റ് ജൂലൈ മൂന്നിന് ചിക്കാഗോയില്
ചിക്കാഗോ: വുഡ് റിഡ്ജ് ക്രിക്കറ്റ് ക്ലബ്ബിന്റെയും ഫൈവ് സ്റ്റാര് ലോജിസ്റ്റിക് സര്വീസ് ഐ എന് സിയുടെയും സംയുക്ത ആഭിമുഖ്യത്തില് 2021 ജൂലൈ 03 ശനിയാഴ്ച ചിക്കാഗോയില് വച്ച് സംഘടിപ്പിക്കുന്ന കേരള ക്രിക്കറ്റ് ടൂര്ണമെന്റിലേക്ക് ഏവര്ക്കും സ്വാഗതം .
വുഡ്റിഡ്ജ് ക്രിക്കറ്റ് ക്ലബ്ബ് സ്പോണ്സര് ചെയ്യുന്ന 3000 ഡോളര് ഒന്നാം സമ്മാനവും തോമസ് കുരുവിള കരിക്കുലം സ്പോണ്സര് ചെയ്യുന്ന 1500 ഡോളര് രണ്ടാം സമ്മാനവും വിജയികള്ക്ക് ലഭിക്കുന്നു. ചടങ്ങില് ഡബ്ലിയൂ സിസിയുടെ റാഫിള് ടിക്കറ്റ് നറുക്കെടുപ്പ് നടത്തുന്നതും കേരള തനിമയാര്ന്ന തട്ടുകട ഫുഡ് കോര്ണറും ഉണ്ടായിരിക്കുന്നതാണ്.
ഈ മത്സരത്തിന്റെ തത്സമയ സംപ്രേക്ഷണം യൂട്യുബിലും ഫേസ്ബുക്കിലും കെവി ടിവിയിലും ഉണ്ടായിരിക്കുന്നതാണ്.. കൂടുതല് വിവരങ്ങള്ക്ക് ബന്ധപ്പെടുക: ജോസഫ് ജോര്ജ്: +1 (630) 4321888, അനൂപ് ഇല്ലിപ്പറമ്പില് +1 (347) 8612625.
കടപ്പാട് :ആഴ്ച്ച വട്ടം ഓൺലൈൻ
-
us news9 months ago
നോർത്ത് അമേരിക്കൻ പെന്തക്കോസ്തൽ റൈറ്റേഴ്സ് ഫോറം : രാജൻ ആര്യപ്പള്ളി പ്രസിഡന്റ്; നിബു വെള്ളവന്താനം സെക്രട്ടറി
-
us news7 months ago
നോര്ത്ത് അമേരിക്കന് പെന്തക്കോസ്തല് റൈറ്റേഴ്സ് ഫോറം; അറ്റ്ലാന്റാ ചാപ്റ്ററിന് പുതിയ ഭാരവാഹികള്
-
us news10 months ago
‘The Biggest Water Baptism in History’: 4,166 Baptized at Historic Beach from Jesus Movement
-
world news10 months ago
Muslim Husband Found Out His Wife Became a Christian; He Beat Her, Starved Her and Left Her in a Wild Animal Park—But God…
-
National7 months ago
ബൈബിൾ വിതരണം ചെയ്യുന്നതും നല്ല മൂല്യങ്ങൾ പഠിപ്പിക്കുന്നതും മതപരിവർത്തനമല്ല: അലഹബാദ് ഹൈക്കോടതിയുടെ നിര്ണ്ണായക വിധി
-
world news8 months ago
37 Christians Killed in Nigeria in Three Weeks
-
world news10 months ago
ലേലത്തിൽ വെച്ചിരുന്ന ലോകത്തിലെ ഏറ്റവും പഴക്കമുള്ള ഹീബ്രു ബൈബിളിന് റെക്കോര്ഡ് തുക: ലഭിച്ചത് 314 കോടിരൂപ
-
world news10 months ago
യുഎഇ യിൽ ക്രൈസ്തവ ആരാധനാലയങ്ങൾക്ക് ഇനി ലൈസൻസ് നിർബന്ധം