4ജി ഡൗൺലോഡ് സ്പീഡ് റാങ്കിങ്ങിൽ സെക്കൻഡിൽ 20.9 എം‌ബി‌പി‌എസ് വേഗത്തിൽ റിലയൻസ് ജിയോ മുന്നിലെത്തി. ജനുവരിയിൽ 4ജി അപ്‌ലോഡ് വേഗത്തിൽ വോഡഫോൺ ഒന്നാമതെത്തിയതായി ടെലികോം റെഗുലേറ്റർ ട്രായുടെ കണക്കുകൾ വ്യക്തമാക്കുന്നു. നവംബറിൽ റെക്കോർഡു ചെയ്‌ത 27.2 എംബിപിഎസ് വേഗം കുറഞ്ഞെങ്കിലും റിലയൻസ് ജിയോ ചാർട്ടിൽ മുന്നിലെത്തി. കമ്പനിയുടെ അടുത്തുള്ള എതിരാളിയായ ഭാരതി എയർടെലിനേക്കാൾ മൂന്നിരട്ടി വേഗം ഉണ്ടായിരുന്നു.

ടെലികോം റെഗുലേറ്ററി അതോറിറ്റി ഓഫ് ഇന്ത്യ (ട്രായ്) പ്രസിദ്ധീകരിച്ച കണക്കുകൾ പ്രകാരം ഭാരതി എയർടെൽ നെറ്റ്‌വർക്കിന് ശരാശരി 4ജി ഡൗൺലോഡ് വേഗം 7.9 എംബിപിഎസ്, വോഡഫോൺ 7.6 എംബിപിഎസ്, ഐഡിയ 6.5 എംബിപിഎസ് എന്നിവയാണ്.

6 എം‌ബി‌പി‌എസ് ഡേറ്റാ വേഗമുള്ള അപ്‌ലോഡ് വേഗത്തിൽ വോഡഫോൺ ഒന്നാമതെത്തി. 5.6 എംബിപിഎസ് ഐഡിയ, റിലയൻസ് ജിയോ 4.6 എംബിപിഎസ്, എയർടെൽ 3.8 എംബിപിഎസ് എന്നിവയാണ് അപ്‌ലോഡ് വേഗം രേഖപ്പെടുത്തിയത്.‌

ആൻഡ്രോയിഡ് ഡിവൈസ് ഉപയോഗിക്കുന്ന ഉപയോക്താക്കൾക്ക് ഗൂഗിൾ സെർച്ചിന്റെ ഈ പുതിയ ഫീച്ചർ ഇപ്പോൾ ലഭ്യമാണ്. എയർടെൽ, വോഡഫോൺ ഐഡിയ, ജിയോ, ബിഎസ്എൻഎൽ എന്നിങ്ങനെയുള്ള ഇന്ത്യയിലെ എല്ലാ മുൻനിര ടെലിക്കോം ഓപ്പറേറ്റമാരുടെ പ്രീപെയ്ഡ് പ്ലാനുകളും ഗൂഗിൾ സെർച്ചിലൂടെ റീചാർജ് ചെയ്യാൻ സാധിക്കും. ഐഒഎസ് ഉപയോക്താക്കൾക്കും ഈ സേവനം അധികം വൈകാതെ ലഭ്യമായേക്കും.

ഇന്ത്യയിലെ ടെലിക്കോം വിപണിയുടെ സാധ്യതകളും പ്രീപെയ്ഡ് റീച്ചാർജ് ചെയ്യുന്ന ഉപയോക്താക്കളുടെ എണ്ണവും ധാരാളമാണ് എന്നതുകൊണ്ട് തന്നെയാണ് ആഗോള ടെക്ഭീമനായ ഗൂഗിൾ ഇത്തരത്തിലൊരു സേവനം ഇന്ത്യയിൽ ആരംഭിച്ചത് എന്ന കാര്യത്തിൽ സംശയമില്ല. പ്രീപെയ്ഡ് റീച്ചാർജുകൾ എളുപ്പത്തിൽ ചെയ്യാൻ സാധിക്കുന്നു എന്നതാണ് ഈ സംവിധാനത്തിന്റെ സവിശേഷത.ഗൂഗിൾ സെർച്ചിൽ റീചാർജ് ചെയ്യേണ്ടതെങ്ങനെ ഗൂഗിൾ സെർച്ചിലൂടെ റീചാർജ് ചെയ്യുന്നതിന് ആൻഡ്രോയിഡ് ഫോൺ ഉപയോഗിച്ച് ഉപയോക്താക്താക്കൾ അവരുടെ ഡിവൈസിലേക്ക് സൈൻ ഇൻ ചെയ്യണം. ഇതിന് ശേഷം ഗൂഗിൾ സെർച്ചിൽ ‘സിം റീചാർജ് ‘, ‘മൊബൈൽ പ്രീപെയ്ഡ് റീചാർജ്’ എന്നിങ്ങനെയുള്ള റീചാർജുമായി ബന്ധപ്പെട്ട എന്തെങ്കിലും സെർച്ചിൽ ടൈപ്പ് ചെയ്ത് സെർച്ച് ഓപ്ഷൻ നൽകുക.മേൽപ്പറഞ്ഞ രീതിയിൽ സെർച്ച് ചെയ്യുമ്പോൾ ഗൂഗിൾ തരുന്ന സെർച്ച് റിസൾട്ടിൽ മൊബൈൽ റീചാർജ് എന്നൊരു സെക്ഷൻ കാണിക്കും. ഇതിൽ ഫോൺ നമ്പർ, ഓപ്പറേറ്റർ, സർക്കിൾ എന്നിവങ്ങനെയുള്ള ആവശ്യമായ വിവരങ്ങൾ നൽകി ലഭ്യമായ പ്ലാനുകൾ കാണുന്നതിന് ബ്രൌസ് പ്ലാൻ ഓപ്ഷനിൽ ആവശ്യമുള്ള പ്ലാൻ തിരഞ്ഞെടുക്കാം.